Главная > Редкие специальные молитвы > Церковному хору - о даре пения

Церковному хору - о даре пения

ОБ ОБРЕТЕНИИ ИСКУССТВА ЦЕРКОВНОГО ПЕНИЯ И ЧТЕНИЯ

Преподобному РОМАНУ Сладкопевцу

Тропарь общий преподобному:
В тебе, отче, известно спасеся еже по образу: приим бо крест последовал еси Христу, и дея учил еси презирати убо плоть, преходит бо, прилежати же о души, вещи безсмертней; темже и со Ангелы срадуется, преподобне Романе, дух твой.

Кондак, глас 8:
Божественными добродетельми духа измлада украсився, Романе премудре, / Церкви Христове пречестное украшение был еси: / пением бо прекрасным украсив ю, блаженне. / Тем молим тя: подаждь желающим Божественнаго дарования твоего, /яко да вопием ти: / радуйся, отче преблаженне, красото церковная.
Тропарь на 8 песне канона:
Высоковещанием Божественных твоих и сладчайших словес, блаженнейше Романе, / всяк помысл веселиши человеков и услаждаеши, якоже некий питатель богатотворный, / и просвещаеши светло и научаеши вопити: / Господа пойте дела и превозносите во вся веки.

Преподобному ИОАННУ Дамаскину

Тропарь
Православия наставниче, благочестия учителю и чистоты, вселенныя светильниче, монашествующих Богодухновенное удобрение, Иоанне премудре, ученьми твоими вся просветил еси, цевнице духовная, моли Христа Бога спастися душам нашим.

Кондак, глас 4:
Песнописца и честнаго Богоглагольника, / Церкве наказателя и учителя / и врагов сопротивоборца Иоанна воспоим:/ оружие бо взем - Крест Господень, / всю отрази ересей прелесть / и яко теплый предстатель к Богу / всем подает прегрешений прощение.

Стихира на стиховне, глас 6:
Преподобне отче, / во всю землю изыде вещание исправлений твоих, / тем на Небесех обрел еси мзду трудов твоих, / демонския погубил еси полки / и Ангельския достигл еси чины, / ихже житию непорочно поревновал еси. / Дерзновение имея ко Христу Богу, / мир испроси душам нашим.

Светилен:
Яко Божествен свет, отче наш, Церкви возсиял еси, / пений твоих сию светлостию облистав / и светом нрава твоего, имже Христовы догматы являеши украшены, / к Немуже не престай о нас моляся, Иоанне.

Преподобному КОСМЕ Маиумскому

Тропарь
Православия наставниче, благочестия учителю и чистоты, вселенныя светильниче, монашествующих Богодухновенное удобрение, Космо премудре, ученьми твоими вся просветил еси, цевнице духовная, моли Христа Бога спастися душам нашим.

Кондак, глас 8:
Украшен добродетельми, Космо Богодухновенне, / Церкве Христовы украшение был еси: / песньми бо украсил еси сию, блаженне. / Но молися ко Господу избавитися нам от всяких козней ратника, / тебе зовущим: / радуйся, отче требогате.

Седален, глас 8:
Благочестием и верою воспитався, / и премудростию украсив ум и душу, / всех избегл еси земных попечений, / особь же пожив и ум в неизреченныя вложив, / великия сподобился еси благодати. / Тем и Божественную Христову Церковь украсил еси / песньми медоточными и ученьми, святителю отче наш Космо: / моли Христа Бога грехов оставление даровати / чтущим любовию святую память твою.

Преподобному ФЕОДОРУ Начертанному

Тропарь
Православия наставниче, благочестия учителю и чистоты, вселенныя светильниче, монашествующих Богодухновенное удобрение, Феодоре премудре, ученьми твоими вся просветил еси, цевнице духовная, моли Христа Бога спастися душам нашим.

Седален, глас 3:
Уста был еси дерзости, / гордыню мучителеву велемудренно посрамив терпением страданий твоих, / уязвляемь бо быв в лице, Феодоре, за Христову икону всечестную,/ известил же еси чтити и славити вся, / прося нам велию милость.

Тропарь на 7 песне канона:
Возсияв от востока, якоже солнце, / зарю благочестия сеял еси на земли, / иконы поклонение Христовы, просвещающую и учащую, отче Феодоре.

Редкие специальные молитвы

  1. Комментариев пока нет.
  1. Трекбеков пока нет.
Вы должны войти, чтобы оставлять комментарии.


Rambler's Top100 Рейтинг Сайтов YandeG

seo analysis Рейтинг сайтов Культура / Искусство


Tatarstan.Net - все сайты Татарстана Православное христианство.ru. Каталог православных ресурсов сети интернет Церкви.com Каталог христианских сайтов Для ТЕБЯ ЧИСТЫЙ ИНТЕРНЕТ - logoSlovo.RU